69 objektu kaxa hutsean “neurtitz” formakoak.

malda

suak nola erretzen duen ikustera
etorri nintzen eta
testu bat idatzi nizun
gaizki ikasitako hitzak errepasatuz
uzta hutsa azaroko arazo
dislexia ariketa kamutsa
angelurik gabeko erpinak
zuzen ebakitzailearen malda

2020-11-28 22:52:15 (anabasa, neurtitz)

deriva

volvieron a llenarse
las calles de gente

se nos esfumó la oportunidad
aquel paréntesis abierto en el momento inesperado
el tiempo que por fín hacía justicia

qué fue de aquel baño en el lago
hechizo ferviente
desnudos de atracción humana

veo en tus ojos un mar azul
nadaban las sonrisas
se ahoga la esperanza

como lagartos al sol
paciencia que empieza a arder
puñaladas de fuego acariciando el pecho

nadie más que tú podría
hacerme cambiar de idioma
convertirse en mi latido
ponerme a la deriva

2020-05-19 23:34:09 (bizhitz, neurtitz)

hondo

negura itzuli
Nk dio nahiago duela normala
"neguan hotz, udan bero"
baina ezetz dio eguraldiak

etxera itzuli
ilunpean begiak itxita komunerako bidea ezagutu:
gihar-memoriak badaki
bide zuzena hartzen

herrira itzuli
ez atzera ez aurrera
hondarrez betetako kaleetan
zapatilak hondoratu

2019-12-30 22:34:12 (bizhitz, neurtitz)

segi

segi begiratzen telefonoa
segi irekitzen denboraren arrakalak
segi idortzen etortzeko dagoena
segi itotzen gertatu ez dena
segi errepikatzen ospeldu diren bideak
segi egiaztatzen etxeko leihoan argirik dagoen
segi asmatzen keinu bakoitzaren atzeko esanahiak
segi idazten bidaliko ez diren mezuak
segi irakurtzen izen bakar eta berbera
segi ikusten distantzia handitzen
segi oztopatzen errotaren bueltak
segi kateatzen aingurak minetan

2019-12-10 23:47:51 (bizhitz, neurtitz)

energia

gero arte luze bat
kontrol teklak ihes egin du
luze doaz gauak
memoriaren erreiak zeharkatuta
lorik ez dago
trafikoa ito da

nola atzeman okerruneen mugak non diren?
azkenean ez nuen bezier kurbarik erabili
hurbilketa huts batean gelditu zen
ertzetako esanahia ulertu nahi hura

ez dago jada argazki zaharrak erretzeko modurik
kopia digitalak pantailen atzean
alperrik xahututako energia dira

2019-10-08 09:41:38 (anabasa, bizhitz, neurtitz)

nibel

nola datozen notiziak,
adibidez:
jakinarazpena mugikorrean;
emaila da

pixkanaka gorritzen den
argi berdea
bihotza bero liteke orain
led argiz

erabaki aurretik
pasatzen da
segundo erdia

hau ez da nire
  lana
  tokia
  maitalea

baina nola pasa
jokuaren hurrengo nibelera
kreditu txartela ez dabilenean

2018-11-14 22:17:53 (neurtitz)

arteria

kableatu pozoindua
argiztatze sasi-industriala
hondakin fabrika
argazkitarako janaria
apurtutako tuberia
usainik gabeko kaka
animaliak ehizan
profil akatsgabea

bala bat bihotzean
parentesi luze bat elkarrekin
arteriak sutan
neguan hotzik ez

2018-10-28 11:48:33 (bizhitz, neurtitz)

atzerri

besaulkian eseri eta hautsak hartutako liburutik
arrakala galdu bat ireki dut
begiak brankiak bailiran
arnastu dut
ezkerreko orrian idatzita dagoen poema

elurra da
Boston da
autobus-bidaia da
New York da
etxera itzultzea ere
atzerri da

2008ra begiratu eta
aurkitu ditut hautsitako estekak
ohozpelak baleitu iv. neurria saila iii.
badaki begiztak
bukaeratik hasierarako bidea

distantzia da
Hauptbahnhof da
tren-bidaia da
Bellevue da
diruz lagundutako
lilura galdua da

eta jarri dut begizta
eta pentsatu dut nola
denboraren distantziak
ospel bilakatzen duen
aberrian erein zen gogoa

2018-10-27 21:19:09 (bizhitz, neurtitz)

izpi

une bat
etzanda
azkenean
umeak etxean utzi
egunaren eguzki-izpi hondarrak besarkatu eta
albo batera jarrita
liburua irakurtzen
lo hartu du

2017-08-23 12:43:21 (neurtitz)

fotokopia

harrapa lezake unea
paper pusketa batek
tatuatuta utzi
garai bateko zaurien kolorea

galdetzen didate usu
zenbat hizki dituen nire alfabetoak
hauen frekuentziak
errepikatzen direnentz

nolabait aurreikus litekeen
esan edo esan gabe
utziko direnak

forma exotikorik dagoen
ala fotokopiagailu zahar bateko
kopia merke eta lausoen traza duten

2017-08-15 14:31:45 (neurtitz)