Neguaren hitzei geratu zenaren tenplez begira:
bekaizkeria tanta bakarra nahikoa da
trumoi hotsean biltzen diren olatuak ez entzuteko.

Hotz, garbi, gau ilunean zerua argi
eta,
aldi berean,
hotzaren egarri:
oskarbi.

Hildako orduak ikusi ditut
udazken lorez jantzita.
Gris, okre,
kolore ahaztutan bildutako zapore:
ondare galduaren hitzaurre amaitugabea
olio erreak bustita geratu zen.
Orain, aldiz,
denborak ekarri ditu itsasoan, bare.
Egunsentia iritsita,
belarrira esan dit:
hemen naiz berriz ere.