Krema usainduta etorri zitzaidan zure presentzia gogora. Harroketan egon ginenekoa irudikatu dut zehazki, ez besteen gainetik arratsalde politta izan zelako, krema eman nizulako baizik.

Eta krema izaten da gauza bat zuria, orri idatzi gabeak bezala, eta kremarekin eskuak irristatzen dira bizkarrean, presarik gabe apenas, bereziki zure bizkarrean. Baina une horretan eskuak ez ezik hitzak irristatzen zitzaizkidan zure azaletik, ilusio eta esker onez beteak, zu bezalakoak, halabeharrez.