Eztizko begirada batekin erakarri, begiak erdi-itxita, plazerraren atarian ate-joka.

Gerturatu egin zait, zer nahi dudan galdetu dit. Eta nik, artean, ezin dut burutik kendu gau hotz eta luze hauetako bakardadea leuntzeko bere presentzia goxatuko nukela. Berak pentsamenduei hitzak jarri dizkie eta esan dit faltan botatzen duela gertuko konpainia, bakardadearen konplizitatea. Gehiago gerturatu zait, begiak erdi-itxita eta ezpainak indarrik gabe, nork estutuko zain. Hain gertu ikusi dut.

Distantziak infinituan dira baina, eta iragana soka mehar horretan dabil balantzaka.